گیس کی قیمتوں میں بے تحاشہ اضافہ کو عوام کے ساتھ ناانصافی قرار دیتے ہوئے کانگریس کے سابق صدر راہل گاندھی نے بدھ کو کہا کہ مودی حکومت سب کو لوٹنے میں مصروف ہے لیکن اب پورا ملک اس لوٹ مار کے خلاف متحد ہورہا ہے۔ راہل گاندھی نے ٹویٹ کیا کہ'عوام کو بھوکا پیٹ سونے پر مجبور کرنے والا خود دوست کے سایہ میں سورہا ہے۔
راہل گاندھی نے کہا کہ لیکن قوم ناانصافی کے خلاف متحد ہورہی ہے۔' انہوں نے رواں سال جنوری سے شروع ہونے والے ایل پی جی کی قیمتوں میں اضافے سے متعلق ایک ڈیٹا بھی پوسٹ کیا ہے، جس میں بتایا گیا ہے کہ 'دہلی، ممبئی، چنئی اور کولکتہ کے میٹرو شہروں میں یکم جنوری سے یکم ستمبر تک گیس کی قیمتوں میں زبردست اضافہ ہوا ہے'۔
انہوں نے کہا کہ جنوری میں چنئی اور کولکتہ میں ایل پی جی سلنڈر کی قیمت 710 روپے اور 720 روپے تھی جو اب بڑھ کر 900 روپے فی سلنڈر سے بڑھ گئی ہے۔
مزید پڑھیں: اترپردیش انتخابات سے پہلے کسی بڑے ہندو رہنما کا قتل ہوسکتا ہے
کانگریس پارٹی کے سابق صدر نے ایل پی جی کی قیمت میں اس اضافے کو بی جے پی کی لوٹ قرار دیا اور کہا کہ 'پورا ملک اب اس کے خلاف متحد ہوچکا ہے'۔
یو این آئی
