مغربی بنگال کے شمالی 24 پرگنہ ضلع کے دتہ پوکھر تھانے علاقے میں بیرکپور سے بی جے پی کے رکن پارلیمان ارجن سنگھ کی قیادت میں 'اور نہیں ناانصافی مہم' کے تحت ریلی کا اہتمام کیا گیا.
ریاستی حکومت کے ترقیاتی منصوبہ گھر گھر سرکار مہم کے جواب میں بی جے پی کی جانب سے اور نہیں ناانصافی مہم چلائی جارہی ہے ۔
بیرکپور سے بی جے پی کے رکن پارلیمان ارجن سنگھ نے کہا کہ ممتابنرجی کے دور اقتدار میں ریاست کی موجودہ صورتحال بہت خراب ہے.
ریاست کی ابتر لا اینڈ کی موجودہ صورتحال کے خلاف بی جے پی کی جانب سے ریلی نکالی گئی ہے.
اس ریلی میں بی جے پی کے کارکنان کم اور عام لوگ زیادہ ہیں.
انہوں نے کہا کہ عام لوگوں کی اس ریلی میں شرکت سے یہ ثابت ہوتا ہے کہ ممتابنرجی کی حکومت عوامی حمایت کھو چکی ہے.
بی جے پی کے رہنما کا کہنا ہے کہ ریاست میں بدعنوانی عروج پر پہنچ چکی ہے.
کٹ منی, امپھان راحت فنڈ میں بدعنوانی,سڑکوں پر ٹو ٹو چلانے والوں سے 25-25 ہزار روپے کی وصولی یہ سب ہے کیا.
مزید پڑھیں:
رکن اسمبلی قتل معاملہ: ضمنی چارج شیٹ میں بی جے پی لیڈر کا نام بھی شامل
بدعنوانی کو ختم کرنے کے لئے ممتابنرجی کی قیادت والی ریاستی حکومت کو اکھاڑ پھینکنا ضروری ہے .
بی جے پی کے رکن پارلیمان کا کہنا ہے کہ شھبندو ادھیکاری ایک سمجھدار اور تجربہ کار رہنما ہیں.
جو بھی فیصلہ کریں گے وہ قبول ہوگا ۔
انہوں نے کہا کہ شھبندو ادھیکاری عوامی رہنما ہیں وہ جس پارٹی میں جائیں گے لوگ انہیں ووٹ دیں گے ۔
واضح رہے کہ ریاستی حکومت کے ترقیاتی منصوبہ گھر گھر سرکار مہم کے جواب میں بی جے پی کی جانب سے اور نہیں ناانصافی مہم چلائی جارہی ہے ۔
