بھارت میں کورونا وائرس کے نئے کیسز میں مسلسل کمی واقع ہو رہی ہے۔ نہ صرف نئے کیسز میں ہی بلکہ کووڈ 19 سے ہونے والی اموات میں بھی پہلے کے مقابلے میں کمی واقع ہوئی ہے۔ آج دوسرا دن ہے جب ایک دن میں ایک لاکھ سے کم نئے کیسز کی تصدیق کی گئی ہو۔
وزارت صحت کے اعداد و شمار کے مطابق بھارت میں گزشتہ 24 گھنٹوں کے دوران 92,596 نئے کیسز کی تصدیق کی گئی ہے جس کے ساتھ کورونا متاثرین کی مجموعی تعداد 2 کروڑ 90 لاکھ 89 ہزار 69 تک پہنچ گئی ہے۔
- " class="align-text-top noRightClick twitterSection" data="">
اسی عرصے میں کورونا وائرس کی وجہ سے 2219 افراد کی جان بھی گئی ہے جس کے بعد اموات کی مجموعی تعداد 3 لاکھ 53 ہزار 528 تک پہنچ گئی ہے۔ وہیں نئے صحتیاب ہونے والے مریضوں کی تعداد 1,62,664 رہی جس کی وجہ سے صحتیاب ہونے والے مریضوں کی مجموعی تعداد 2 کروڑ 75 لاکھ 4ہزار 126ہوگئی ہے۔
ملک میں فعال کیسز کی تعداد 12 لاکھ 31 ہزار 415 ہے۔ جبکہ ویکسینیشن کی مجموعی تعداد 23 کروڑ 90 لاکھ 58 ہزار 360 تک پہنچ گئی ہے۔
ملک میں کورونا وائرس کی تازہ صورت حال پر ایک نظر:
کورونا متاثرین کی مجموعی تعداد: 2,90,89,069
صحتیاب ہونے والوں کی مجموعی تعداد: 2,75,04,126
اموات کی مجموعی تعداد: 3,53,528
کورونا وائرس کے فعال کیسز: 12,31,415
مجموعی ٹیکہ کاری: 23,90,58,360
