ادھر ملک میں اب تک 23 لاکھ 28 ہزار 799 افراد کو کووڈ 19 ویکسین لگائی جاچکی ہے۔ آج پورے ملک میں 299299 افراد کو کورونا ویکسین لگائی گئیں۔
بدھ کی رات گئے تک مختلف ریاستوں سے موصولہ اعداد و شمار کے مطابق گذشتہ 24 گھنٹوں کے دوران انفیکشن کے 11،146 نئے معاملے سامنے آئے ہیں جس کے بعد مجموعی طور سے ایک کروڑ سات لاکھ ایک ہزار 427 افراد سے متاثر ہوئے ہیں۔ اس عرصے کے دوران ، 13،930 مریض صحت یاب ہوئے ہیں، جس کے بعد صحتیاب ہونے والوں کی تعداد بڑھ کر مجموعی طور سے ایک کروڑ تین لاکھ 72 ہزار 258 ہوگئی ہے۔ فعال معاملے 5،663 کم ہوکر 1،70،835 رہ گئے ہیں۔ اسی عرصے کے دوران 111 مریض فوت ہوگئے، جس کے بعد اموات کی تعداد مجموعی طور سے ایک لاکھ 53 ہزار 862 ہوگئی۔
جزوی اضافے کے ساتھ ملک میں صحتیاب ہونے کی شرح 96.92 فیصد پر آگئی ہے اور فعال معاملوں کی شرح کم ہوکر 1.59 فیصد ہوگئی ہے جبکہ اموات کی شرح اب بھی 1.44 فیصد ہے۔
یو این آئی
