گزشتہ کچھ دنوں سے عالمی وبا کورونا وائرس 'کووڈ-19' کے یومیہ کیسز میں ایک بار پھر اضافہ ہو رہا ہے اور گذشتہ 24 گھنٹوں کے دوران ملک میں دس ہزار سے زیادہ ایکٹیو کیسز ریکارڈ ہوئے ہیں۔
گذشتہ 24 گھنٹوں کے دوران ملک میں 10974 سے زائد کیسز ریکارڈ ہوئے ہیں جبکہ منگل کو 4170، پیر کو 8718، اتوار کو 8522 اور ہفتہ کو 4785 کورونا وائرس کے کیسز درج کیے گئے ہیں۔
اسی عرصے کے دوران جان لیوا اور مہلک ترین کورونا وائرس سے مرنے والے مریضوں کی تعداد 188 درج کی گئی ہے جبکہ منگل کے روز یہ تعداد 131، پیر کو 118، اتوار کو 158، ہفتہ کو 140، جمعہ کو 117، جمعرات کو 126، بدھ کے روز 133 ریکارڈ کی گئی تھی۔
دریں اثنا ملک میں اب تک تین کروڑ 50 لاکھ 64 ہزار سے زائد افراد کو اینٹی کورونا ویکسین دی جاچکی ہے۔
