Corona Vaccination: کورونا ٹیکہ کاری 123 کروڑ سے زیادہ

کورونا ٹیکہ کاری مہم Corona Vaccination Campaign کے 318 ویں دن پیر کو ملک میں 70 لاکھ سے زیادہ ویکسین دی گئی ہے اور اس کے ساتھ ہی کورونا ٹیکہ کاری Corona Vaccination کی تعداد 123 کروڑ سے تجاوز کر گئی ہے۔

صحت اور خاندانی بہبود کی مرکزی وزارت نے بتایا کہ ملک میں کورونا ٹیکہ کاری Corona vaccination In India کی مہم کے تحت آج شام 7 بجے تک 123 کروڑ 15 لاکھ 68 ہزار 149 ٹیکے لگائے گئے ہیں۔ آج 70 لاکھ 85 ہزار 126 کووڈ ویکسین دی گئی۔

اعداد و شمار کے مطابق 78 کروڑ 58 لاکھ 77 ہزار 177 افراد کو کووڈ ویکسین کی پہلی خوراک دی گئی ہے جبکہ 44 کروڑ 56 لاکھ 90 ہزار 972 افراد کو دوسری خوراک دی گئی ہے۔

وزارت نے کہا ہے کہ ویکسینیشن دیر شام تک جاری رہی۔ اس لیے حتمی تعداد میں اضافے کا امکان ہے۔ وزارت کے مطابق، ویکسینیشن کا باقاعدگی سے جائزہ لیا جاتا ہے اور اعلیٰ سطح پر اس کی نگرانی کی جاتی ہے۔

یو این آئی