یوتھ کانگریس کے قومی صدر سری نیواس، ریاستی انچارج ہیمنت اوگلے اور ریاستی صدر اوم یادو کی ہدایت پر آج ضلع یوتھ کارکنان اور عہدیداران نے راشٹریہ بے روزگار دیوس‘ یوم بے روزگار کے طور پر منایا۔
کانگریس کارکنان ضلع کانگریس دفتر پر جمع ہوئے اور وہ سہارنپور کے گرودارہ روڈ، انبالہ روڈ کے راستے پھل سبزی فروخت کرتے اور رکشہ چلاتے ہوئے گھنٹہ گھر تک پہنچے ،اس دوران کارکنان نے مودی حکومت کے جم کرنعرہ بازی کرتے ہوئے زبردست مظاہرہ کیا۔
اس موقع پر یوتھ کانگریس کے ضلع صدرنتن شرما نے کہاکہ مودی حکومت میں نوجوان طبقہ اپنے آپ کو ٹھگاسا محسوس کررہاہے۔
انہوں نے کہا کہ ملک میں ہر سطح پر عہدہ خالی پڑے ہوئے ہیں،مگر تعلیم یافتہ نوجوانوں نے فارم پرُ کراکر کروڑوں روپیہ کی ناجائز فیس وصولی کرکے بھی مودی حکومت ملک کے نوجوانوں کو روزگار نہ دے کر ان سے دھوکہ کررہی ہے۔
کانگریس کے ضلع صدر چودھری مظفرعلی اور سابق ضلع صدر ششی والیہ نے وزیر اعظم نریندر مودی کو ان کی یوم پیدائش پر جہاں ایک طرف مبارکباد پیش کی وہیں دوسری جانب مودی حکومت کا ہر مورچہ ناکام بتایا۔
انہوںنے کہاکہ مودی حکومت نے ہر سال دو کروڑ بے روزگاروں کو روزگار دینے کا وعدہ ایک انتخابی جملہ ثابت ہوا،جبکہ اس کے برخلاف کروڑوں لوگ مودی حکومت کی غلط پالیسیوں کے سبب اپنے روزگار سے ہاتھ دھو بیٹھے ہیں۔
جس کے سبب آج ملک میں بے روزگاروں کی ایک فوج کھڑی ہوگئی اور ملک کے نوجوانوں کا مستقبل موجودہ حکومت میں اندھیرے میں ڈال دیا۔
