ریاست گجرات میں ہونے والے اسمبلی انتخابات کے پیش نظر تمام سیاسی پارٹیوں کی تیاریاں زوروں پر ہیں۔ ایسے میں ایک طرف گجرات اسمبلی انتخابات کے امیدواروں کی فہرست کا اعلان کیا جا رہا ہے۔ وہیں دوسری طرف کانگریس نے اپنے منشور کا اعلان کردیا ہے۔ گجرات کانگریس کمیٹی اپنے منشور کا نام 'بنے گی عوام کی سرکار' دیا ہے۔ کانگریس نے اپنے منشور میں بہت سارے وعدے کیے ہیں، جن میں خاص طور سے درج ذیل وعدے شامل ہیں۔ Congress Unveils Manifesto For Gujarat Polls
گجرات کی خواتین کو پانچ سو روپے گیس سلنڈر ملے گا
بجلی کے بلوں میں ریلیف کے لیے 300 یونٹ تک استعمال پر بجلی کی چارجز کی چھوٹ دی جاے گی
تعلیم اور صحت کی کمرشلائزیشن بند کریں گے
گجرات کے ہر شہری کو سرکاری ہسپتالوں میں 10 لاکھ روپے تک کا مفت طبی علاج معائنہ اور ادویات اور 5 لاکھ روپے کا مفت ایکسیڈنٹ انشورنس دیا جائے گا
معذور، بیوہ ضرورت مند خواتین بزرگ شہری کو ماہانہ دو ہزار پیشن
سرکاری اور نیم سرکاری اداروں میں 10 لاکھ آسامیوں پر بھرتی کا عمل کیا جائے گا
بے روزگار نوجوانوں اور خواتین کو تین ہزار روپے ماہانہ بے روزگاری الاؤنس ملے گا
سوراشٹر کچھ بناس کانٹھا پاٹن میں گجرات کے پانی کے مسئلے کو حل کرنے کے لیے خصوصی ٹاسک فورس بنائی جائے گی.
