مرکزی حکومت کی اگنی پتھ اسکیم کے خلاف کانگریس کی جانب سے آواز تیز ہوتی جارہی ہے اور اس نے کل یعنی اتوار 26 جون کو 20 ریاستوں کے دارالحکومت میں 'اگنی پتھ کی بات' نوجوانوں کے ساتھ دھوکہ' کے نام سے پریس کانفرنس کرنے کا فیصلہ کیا ہے۔ یہ جانکاری دیتے ہوئے کانگریس نے کہا کہ پریس کانفرنس کے ذریعے نوجوانوں کو بتایا جائے گا کہ حکومت اگنی پتھ کے بارے میں انہیں کس طرح گمراہ کر رہی ہے۔ ان پریس کانفرنسوں میں کانگریس کے ترجمان اگنی پتھ کی حقیقت کے بارے میں نوجوانوں سے بات کریں گے اور انہیں بتائیں گے کہ حکومت کس طرح اس اسکیم کے ذریعے نوجوانوں کو دھوکہ دے رہی ہے۔ Protest Against Agnipath Recruitment Scheme
انہوں نے کہا کہ پارٹی کے سینئر لیڈر اجے ماکن لکھنؤ میں، کیپٹن اجے یادو جموں میں، کنہیا کمار پٹنہ میں، ڈاکٹر اجے کمار گوہاٹی میں، پون کھیڑا کولکاتا میں، شوبھا اوجھا رائے پور میں، اکھلیش پرتاپ سنگھ بھوپال میں، گورو گوگئی چنئی میں، پلاما راجو بنگلور میں، سُپریا شرینیت ممبئی میں، الکا لانبا احمد آباد میں، رنجیت رنجن چنڈی گڑھ میں، مانویندر سنگھ دہرادون میں، شکتی سنگھ گوہل دہلی سمیت 20 ریاستی دارالحکومتوں میں پریس کانفرنس سے خطاب کریں گے۔
