کانگریس نے کہا ہے کہ اروناچل پردیش میں ایک بھارتی نوجوان کو چینی فوجیوں نے اغوا کیا ہے اور سرحد پر اس کی مداخلت لگاتار بڑھ رہی ہے، اس لیے وزیر اعظم نریندر مودی کو اپنی خاموشی توڑنی ہوگی اورحالات کا جائزہ لینے کے لیے آل پارٹی ایم پی وفد کو سرحد پر لے جایا جانا چاہیے۔ Congress Slams Modi Govt Over Arunachal Pradesh Issue
کانگریس کے ترجمان شکتی سنگھ گوہل نے جمعرات کو کہاکہ' بھارتیہ جنتا پارٹی کے ریاستی صدر اور بی جے پی کے سینئر رکن پارلیمنٹ تاپر گاؤ نے خود ٹویٹ کر کے اطلاع دی۔ اس لیے وزیر اعظم مودی کو اس معاملہ میں خاموشی توڑنی چاہیے اور ملک کو اصلیت بتانی چاہیے۔
انہوں نے کہاکہ فوج کے ایک افسر کے مطابق چین سرحد پر پی کے 17 پوائنٹ، گلوان سرحد اور کیلاش سرحد پر پہلے چین اور اور بھارت کے فوجی آمنے سامنے رہ کر پٹرولنگ کر کے اپنے اپنے کیمپوں میں لوٹ آتے تھے لیکن اب سرکار نے ان سرحدوں پر بھارتی فوج کے پٹرولنگ بند کروادی ہے جو انتہائی تشویش کی بات ہے۔
کانگریس ترجمان نے کہا کہ ان کی معلومات غلط بھی ہو سکتی ہیں، اس لیے وزیر اعظم مودی کو چاہیے کہ وہ تمام پارٹیوں کے ممبران پارلیمنٹ کا ایک وفد لے کر سرحد کے ان مقامات پر جائیں اور ملک کو سچ بتائیں۔
انہوں نے کہاکہ مودی کو فوری طور پر اروناچل پردیش کے مسئلہ پر اپنی خاموشی توڑنی چاہیے۔
مزید پڑھیں:
یو این آئی
