کورونا کے علاج میں گو مُتر اور گوبر مسترد

انحد کے بانی شبنم ہاشمی اور سی ایس آئی آر کے سابق سائنٹسٹ گوہر رضا اور سرجیت سنگھ نے ایک رپورٹ پیش کی۔ یہ ریسرچ رپورٹ کورونا وائرس کے اوپر تیار کی گئی ہے۔ جس میں مختلف سوالات کے جوابات آف لائن اور آن لائن لے گئے تھے۔

دارالحکومت دہلی کے پریس کلب آف انڈیا میں آج ایک پریس کانفرنس کا انعقاد کیا گیا۔ جس میں انحد کے بانی شبنم ہاشمی اور سی ایس آئی آر کے سابق سائنٹسٹ گوہر رضا اور سرجیت سنگھ نے ایک رپورٹ پیش کی۔

یہ ریسرچ رپورٹ کورونا وائرس کے اوپر تیار کی گئی ہے۔ جس میں مختلف سوالات کے جوابات آف لائن اور آن لائن لے گئے تھے۔ اس رپورٹ میں 55. 1 فیصد مردوں نے جبکہ 44. 8 فیصد خواتین شامل تھیں۔

اس ریسرچ میں یہ بھی سامنے آیا ہے کہ لوگوں نے گھریلوں ٹوٹکوں کو مسترد کردیا۔ واضح رہے کہ ملک میں جب کورونا کے معاملات میں تیزی دیکھنے کو ملی اس دوران گومتر گوبر سے کورونا کا علاج بتایا گیا تھا۔ لیکن ریسرچ میں بیشتر لوگوں نے اس بات کو نکار دیا ہے۔

سی ایس آئی آر کے سابق سائنٹسٹ گوہر رضا نے بتایا کہ کورونا کے دوران سائنٹس اور ڈاکٹرز پر لوگوں نے اعتماد کیا۔ مزید کہا کہ اب لوگ علاج کی طرف زیادہ توجہ دے رہے ہیں۔

تبلیغی جماعت کو کورونا وائرس کے پھیلاؤ کا ذمہ دار بتانے والے سوال کے جواب میں لوگوں نے اس کو مسترد کردیا۔ جبکہ انتخابات کی ریلیوں اور حکومت کو اس کا ذمہ دار بتایا ہے۔