قومی دارالحکومت دہلی میں عالم یہ ہے کہ درجہ حرارت میں ہو رہی مسلسل کمی کے باعث لوگوں کا گھروں میں بھی رہنا مشکل ہوتا جارہا ہے، دوسری طرف آلودگی اور کہرے کی وجہ نقل و حرکت میں دشواریاں ہو رہی ہیں، محکمہ موسمیات کا اندازہ ہے کہ آنے والے وقتوں میں ان حالات سے چھٹکارا نہیں ملے گا۔
علاقائی موسمیاتی مرکز سے موصولہ اطلاعات کے مطابق صفدرجنگ میں آج صبح کم سے کم درجہ حرارت 4.6 ڈگری سینٹی گریڈ ریکارڈ کیا گیا جبکہ پالم میں کم سے کم درجہ حرارت 6.9 ڈگری سینٹی گریڈ ریکارڈ رہا۔ کہرے کی وجہ سے صفدرجنگ میں وژیبلیٹی 200 میٹر اور پالم میں 500 میٹر تک کی رہی۔
صرف یہی نہیں کئی علاقوں میں دھند کی وجہ سے سڑکیں ٹریفک بھی متاثر ہوئی ہیں، کاریں فاگ لائٹ کے سہارے چل رہی ہیں، دوسری طرف دہلی میں آلودگی کی صورتحال بھی کافی سنگین ہے، آج ایئر کوالیٹی انڈیکس 420 رہ گئی ہے، جو ایک انتہائی خطرناک صورتحال کو ظاہر کرتی ہے۔
محکمہ موسمیات کا کہنا ہے کہ آنے والے دنوں میں درجہ حرارت میں مزید کمی ریکارڈ کی جاسکتی ہے۔ پہاڑوں سے آنے والی سرد ہوایں اس کے ذمہ دار ہیں۔ چونکہ برف باری ہو رہی ہے، اس کا اثر میدانی علاقوں میں دیکھا جارہا ہے۔ فی الحال ، لوگوں کو اپنے دفاع کا مشورہ دیا گیا ہے۔
محکمہ موسمیات کا کہنا ہے کہ آنے والے دنوں میں درجہ حرارت میں مزید کمی ریکارڈ کی جاسکتی ہے۔ پہاڑوں سے آنے والی سرد ہوایں اس کے ذمہ دار ہیں۔ چونکہ برف باری ہو رہی ہے ، اس کا اثر میدانی علاقوں میں دیکھا جارہا ہے۔ فی الحال ، لوگوں کو اپنے دفاع کا مشورہ دیا گیا ہے۔
