چنئی: تمل ناڈو کے وزیر اعلی ایم کے اسٹالین نے آج وزیر اعظم نریندر مودی سے سول خدمات کے ان امید واروں کی عمر میں چھوٹ دینے کے ساتھ -ساتھ ایک اضافی موقع دینے کی درخواست کی جن کا کووڈ19-وبا کی وجہ سے آخری موقع ختم ہو گیا تھا۔ وزیر اعظم کو لکھے خط میں اسٹالین نے کہاکہ یہ صرف ایک بار کی چھوٹ ہوگی اور اس سے سرکاری خزانے پر کوئی معاشی بوجھ نہیں پڑے گا لیکن سول خدمات میں شامل ہونے کی خواہش رکھنے والے ہزاروں نوجوانوں کو بڑا موقع مل جائے گا۔
انہوں نے کہا کہ میں آپ سے درخواست کرتا ہوں کہ آپ اس پر مہربانی کرکے غور کریں اور کووڈ 19-وبا کے مد نظر انڈین ایڈمنسٹریٹیو سروس رولس، 1955 کے اصول4-کو لاگو کرکے امیدواروں کے لئے اضافی کوشش فراہم کریں۔ یونین پبلک سروس کمیشن کے ذریعے منعقد سول سروس امتحانات کے لئے امیدواروں سے ملنے والی د رخواست کی طرف وزیر اعظم کی توجہ مبذول کرتے ہوئے اسٹالین نے کہاکہ سول سروس امتحانات سمیت مرکزی حکومت کے ذریعے منعقد مختلف بھرتی امتحانات کے امیدوار، جن کا کووڈ وباکی وجہ سے آخری کوشش ختم ہو گئی، گزشتہ دو سالوں سے امتحان میں ایک بار شامل ہونے کے لئے عمرکی مدت میں اضافہ کا انتظار کر رہے ہیں۔
انہوں نے کہاکہ مستقل کمیٹی نے بھی سول سروس کے امیدواروں کے مطالبہ پرہمدردانہ نقطہ نظر سے غور کرنے اور تمام امیدواروں کو عمر کی حد میں چھوٹ دینے کے ساتھ-ساتھ ایک اضافی کوشش کرنے کی شفارش کی ہے۔ انہوں نے کہاکہ مرکزی حکومت نے بھی حال ہی میں اسٹاف سلیکشن کمیشن کے ذریعے مرکزی مسلح پولیس فورس امتحان ،2022 میں کانسٹیبل(جنرل ڈیوٹی)کی بھرتی کے لئے ایک بار کے طریقے کے طور پرتمام سیریز کے امیدواروں کی تعین عمر کی حد میں تین سال کی چھوٹ فراہم کی ہے۔
یو این آئی
