مرکزی وزیر رمیش پوکھریال نے سی بی ایس ای دسویں اور بارہویں کے بورڈ امتحانات 2021 کی تاریخوں کا اعلان کرتے ہوئے کہا کہ امتحانات 4 مئی سے شروع ہوکر 10 جون کو اختتام پذیر ہوں گے جبکہ مقررہ وقت پر امتحانات کے نتائج کا بھی اعلان کیا جائے گا۔
انہوں نے کہا کہ دسویں اور 12 ویں کے پریکٹیکل امتحانات یکم مارچ سے شروع کئے جائیں گے۔ انہوں نے طلباء سے اپیل کی ہے کہ وہ بغیر کسی پس و پیش کے دل لگا کر پڑھائی کریں۔
سی بی ایس ای کی جانب سے جلد ہی ڈیٹ شیٹ جاری کی جائے گی۔
قبل ازیں رمیش پوکھریال نے ٹویٹ کے ذریعے کہا کہ 'مجھے یقین ہے کہ سی بی ایس ای کی جانب سے منعقد 10 ویں اور 12 ویں کی بورڈ امتحانات دینے والے ہمارے طالب علم مکمل لگن اور محنت سے بہتر تیاری کر رہے ہوں گے۔
