آئی ڈی بی آئی بینک کو کروڑوں کا نقصان پہنچانے والے پروموٹرز کے خلاف معاملہ درج

سنٹرل بیورو آف انویسٹی گیشن (سی بی آئی) نے آئی ڈی بی آئی بینک کو 168.82 کروڑ روپے کا نقصان پہنچانے کے معاملے میں گوہاٹی میں واقع گھوش برادرز آٹو موبائل کے چار پروموٹروں / آپریٹرز سمیت ایک چارٹرڈ اکاؤنٹنٹ اور نامعلوم بینک افسران کے خلاف مقدمہ درج کیا ہے۔

بینک کا الزام ہے کہ بیتکوچی، گوہاٹی میں واقع ایک پرائیویٹ کمپنی کو گاڑی خریدنے کے نام پر بینک کی گوہاٹی برانچ سے 64.67 کروڑ روپے کے ٹرم لون اور نقدی قرض کی سہولت منظور کی گئی تھی۔

آئی ڈی بی آئی بینک کو کروڑوں کا نقصان پہنچانے والے پروموٹرز کے خلاف معاملہ درج

جن لوگوں کو اس کیس میں ملزم بنایا گیا ہے ان میں پرنب کمار گھوش، پرتول کمار گھوش، گیتا رانی گھوش اور پربیر کمار گھوش (میسرز گھوش برادرز آٹو موبائل کے تمام پروموٹرز / آپریٹر) اور ارونابھا چٹوپادھیائے (چارٹرڈ اکاؤنٹنٹ) اور نامعلوم بینک افسر / و دیگر نجی افراد شامل ہیں۔