بٹہ وینہ گاندربل میں بھنگ کی کاشت تباہ کی گئی

اسلامک یوتھ کلب کے ذمہ داران نے کہا کہ اس علاقے میں نوجوان بڑی تعداد میں نشے کی لت میں مبتلا ہو چکے ہیں اور ہم نے مناسب سمجھا کہ ہم خود ہی اس بھنگ کو تباہ کرکے نوجوان نسل کو اسے دور رکھا جائے تاکہ کسی کی زندگی بچ سکے۔

کشمیر وادی میں اگرچہ نوجوان بری طرح سے نشے کی لت میں مبتلا ہو رہے ہیں اور نشے کی وجہ سے درجنوں نوجوان موت کے آغوش بھی جا چکے ہیں، تاہم اس معاملے کو سنجیدگی سے لیتے ہوئے بٹہ وینہ گاندربل میں کام کر رہے اسلامک یوتھ کلب نام کے ایک فورم نے آج مقامی نوجوانوں کے ساتھ مل کر گلی کوچوں اور علاقے کی اراضی میں پھیلی ہوئی بھنگ کو تباہ کردیا۔

اس سلسلے میں اس فورم کے ذمہ داران نے کہا کہ اس علاقے میں نوجوان کافی حد تک نشے کی لت میں مبتلا ہو چکے ہیں اور ہم نے مناسب سمجھا کہ ہم خود ہی اس بھنگ کو تباہ کرکے نوجوان نسل کو اسے دور رکھیں تاکہ کسی کی زندگی بچ سکے۔

واضح رہے کہ ان نوجوانوں نے ایک دوسرے کا ساتھ دے کر اس علاقے کی گلی اور کوچوں میں اگائے گئے بھنگ کے پودوں کو ایک جگہ جمع کرکے اسے آگ کے حوالے کر دیا۔ اس قدم کی مقامی لوگوں نے زبردست سراہنا کی ہے۔