ایک دور تھا جب فن خطاطی کا جادو عوام کے سر چڑھ کر بولتا تھا لیکن جب سے جدید ٹیکنالوجی عام ہوئی تب سے فن خطاطی کی چمک ماند پڑنے لگی ہے۔
دور قدیم میں خطاط جانوروں کی کھالوں پر اپنے فن کا مظاہرہ کیا کرتے تھے تاہم دور جدید میں یہ رواج ختم ہوتا چلا گیا۔ حالانکہ ابھی بھی کچھ خطاط موجود ہیں جو اس پیشے کو زندہ رکھے ہوئے ہیں۔
ایران کلچر ہاؤس میں قرآنی آیات کی خطاطی سے متعلق ایک نمائش کا انعقاد کیا گیا جس میں خطاطی کے ذریعے آویزاں فن پاروں کو نمائش کے لیے رکھا گیا۔ اس نمائش کا مقصد فنکاروں کی حوصلہ افزائی کرنے کے ساتھ ساتھ روزگار فراہم کرنا ہے۔
یہ بھی پڑھیں:
خواتین کو بہتر مواقع کی فراہمی کے لیے موونگ باؤنڈریز مہم
یہ نمائش فنی اعتبار سے منفرد خصوصیات کی حامل ہے جو تخلیقی اور جامع انداز میں اسلامی ثقافت اور تہذیب کو اجاگر کرنے میں معاون ثابت ہوگی۔ نمائش میں یکجا کیے جانے والے خطاطی کے نمونوں میں معاصر کوفی، قرآن کوفی، اور خط الثلث جیسے منفرد نمونے شامل ہیں۔
ان نسخوں میں بکری کی کھال پر لکھا قرآن، کپڑے پر لکھی قرآنی آیات، ہینڈ میڈ کاغذ پر لکھی عبارتیں، مختلف سائز کے نمونے نمایاں طور پر دیکھے جا سکتے ہیں۔
