ریاست اتر پردیش کے کانپور میں انتظامیہ نے موسمیاتی تبدیلی کی وجہ سے فضائی آلودگی کو دیکھتے ہوئے کانپور ضلع کے تمام اینٹ بھٹے کے کام کو نومبر تک بند کرنے کی ہدایت جاری کیے ہیں۔ دراصل سردی کا موسم شروع ہوتے ہی فضا میں نمی بڑھنے لگتی ہے۔ شام میں نمی کی وجہ سے اٹھنے والا دھواں فضاء میں اوپر تک نہیں جاپاتا ہے، جس کی وجہ سے فضا میں دھند چھانے لگتی ہے۔ دھواں کی آلودگی فضا میں تحلیل نہیں ہو پاتی ہے، جس کی وجہ سے لوگوں کو سانس لینے میں مشکلات کا سامنا کرنا پڑتا ہے۔ دھند کی وجہ سے کئی طرح کے امراض پیدا ہو جاتے ہیں۔ Brick Kilns Closed in Kanpur
ضلع مجسٹریٹ کانپور نے دیہی علاقوں میں پہلے سے ہی کھیتوں سے نکلنے والی پرالی جلانے پر پابندی عائد کر رکھی ہے۔ وہیں کانپور ضلع کے دیہی علاقوں میں چلنے والے اینٹ بھٹے کے مالکان کو بھی ہدایت جاری کر دی گئی ہے کہ نومبر تک وہ کام بند کردیں۔ اینٹ بھٹے سے نکلنے والے دھویں کی وجہ سے بڑی تعداد میں فضا میں آلودگی پھیلتی ہے۔ واضح رہے کہ کانپور کے دیہی علاقوں میں ہر سال کھیتوں سے نکلنے والی پرالی اور اینٹ بھٹوں سے نکلنے والے دھویں کی وجہ سے دیہی علاقوں میں زبردست دھند چھائی رہتی ہے، جس کے اثرات شہری علاقوں پر بھی ہوتے ہیں، شہروں میں گاڑی سے نکلنے والا دھواں بھی بڑی تعداد میں آلودگی پھیلاتا ہے۔ آلودگی کی روک تھام کے لیے ضلع مجسٹریٹ کانپور اپنے وسائل کے مطابق تدابیر نکال رہے ہیں۔
یہ بھی پڑھیں: جانور سے بھی بدتر زندگی گزارنے پرمجبور ہیں اینٹ بھٹے کے مزدور
