اس کی موت کے بارے میں کسی کو بھی پتہ نہیں چلا۔ چار دنوں تک کورئیر نہ لینے پر پڑوسیوں کو شک ہوا جس کے بعد اس بارے میں پولیس کو اطلاع دی گئی۔ پولیس دروازہ توڑ کر اندر داخل ہوئی تو اس کی لاش پائی گئی۔
پولیس نے بتایا کہ 45 سالہ سبھاش شرما سپرٹیک ایکویلیج سوسائٹی میں تنہا رہتے تھے۔ اس دوران وہ کورونا وائرس سے متاثر ہوگئے تھے اور گھر پر قرنطینیہ میں تھے۔
اچانک ان کی طبیعت خراب ہوئی اور ان کی موت ہوگئی۔ سبھاش کے اپنی بیوی کے ساتھ تعلقات ٹھیک نہیں تھے جس کی وجہ سے وہ الگ رہتے تھے۔ پولیس کے ذریعہ ان کی موت کی اطلاع ان کی بیوی کو دی گئی۔
اسی دوران سوسائٹی کے سکیورٹی گارڈز سے پوچھ گچھ کے دوران پتہ چلا کہ سبھاش شرما پچھلے چار دنوں سے نظر نہیں آئے تھے۔ فون بھی نہیں اٹھا رہے تھے۔
تھانہ بسرکھ پولیس نے نعش کو فلیٹ سے باہر لے جا کر رشتہ داروں کے حوالے کردیا۔ کورونا انفکشن ہونے کی وجہ سے پوسٹ مارٹم نہیں کیا گیا ہے۔
