J&K Assembly Election جموں وکشمیر میں جلد انتخابات منعقد ہوں گے، ترن چگ

بی جے پی کے قومی جنرل سیکرٹری ترن چگ نے کہا کہ ان کو پختہ یقین ہے کہ الیکشن کمیشن آف انڈیا جموں وکشمیر میں جلد اسمبلی انتخابات کا انعقاد کرے گی اور لوگ اپنے جمہوری حق کا استعمال کریں گے۔ jammu and kashmir assembly election

سرینگر: جموں و کشمیر کے سرمائی دارالحکومت سرینگر میں بی جے پی کے دفتر میں پریس کانفرنس سے خطاب کرتے ہوئے ترن چگ نے کہا کہ وزیر اعظم نریندر مودی نے جموں کشمیر کے عوام کے ساتھ انتخابات کا انعقاد کرانے کا وعدہ کیا ہے۔ انہوں نے کہا کہ اگرچہ اسمبلی اور پنچایتی انتخابات منعقد کرانے کا اعلان الیکشن کمیشن آف انڈیا کا ہے تاہم حدبندی کے ساتھ ساتھ ووٹر فہرست کا کام مکمل ہونے سے ان کو پختہ یقین ہے کہ انتخابات جلد منعقد ہوں گے۔ BJP expects early assembly elections in Kashmir

قابل ذکر ہے کہ گزشتہ روز ترن چگ نے جموں میں بی جے پی کے دفتر میں پارٹی کے رہنماوں اور کارکنان سے میٹنگ میں کہا ہے کہ انتخابات مئی میں منعقد ہوں گے اور پارٹی کو اس کے کیے کمر بستہ ہونا چاہیے۔ جموں وکشمیر میں سنہ 2018 کے بعد منتخب سرکار نہیں ہے، جس سے یہاں کی سیاسی جماعتوں کا مطالبہ ہے کہ یہاں اسمبلی انتخابات منعقد کرائے جائیں تاکہ لوگوں کو منتخب سرکار ملے۔ گزشتہ ہفتے اسٹیٹ الیکشن کمشنر نے جموں وکشمیر میں پنچایتی انتخابات کی تیاریوں کے سلسلے میں ہر پنچایت میں ووٹر فہرست کا جائزہ اور اپڈیشن کرنے کی ہدایات صادر کیے تھے، جس کے بعد اس پر انتظامیہ عمل پیرا ہے۔ ترن چگ نے نیشنل کانفرس، کانگرس اور پی ڈی پی پر طنز کرتے ہوئے کہا کہ عوام ان خاندانی پارٹیوں سے تنگ آگئی ہے اور آنے والے انتخابات میں ان خاندانی جماعتوں کو ووٹ کے ذریعے الوداع کہیں گے۔

جموں وکشمیر میں سنہ 2014 میں اسمبلی انتخابات ہوئے تھے، اس سابق ریاست میں بی جے پی اور پی ڈی پی نے مخلوط سرکار تشکیل دی تھی، تاہم سنہ 2018 کے جون میں بی جے پی نے محبوبہ مفتی کی حمایت واپس لے کر مزکری حکومت نے یہاں صدر راج نافذ کردیا تھا۔ پانچ اگست سنہ 2019 کو خصوصی حیثیت کے خاتمے کے بعد یہاں لیفٹننٹ گورنر کو تعینات کیا گیا ہے جو اپنے ایک مشیر کے ساتھ یہاں انتظامیہ چلا رہے ہیں۔