یشونت سنہا نے ای ٹی وی بھارت کے ساتھ خصوصی بات چیت میں کہا کہ 'مہاراشٹر میں ایک بار پھر انفورسمنٹ ڈائرکٹوریٹ جیت گیا ہے۔'
انہوں نے کہا کہ 'جو بھی مہاراشٹر میں ہوا ہے اس کے پیچھے بھارت سرکار کی ایجنسیز کام کر رہی ہیں'۔
انہوں نے کہا کہ 'یہ ایجنسیز جھوٹے سچے کیس بنا کر سیاسی لوگوں دبانے کا کام کرتی ہیں'۔
انہوں نے کہا کہ 'ان اجینسیز کا جس طرح سے بھارت سرکار نے بیجا استعمال کیا ہے اس کا بھارت کی تاریخ میں کوئی ثانی نہیں ہے'۔
خیال رہے کہ مہاراشٹر میں بی جے پی اور شیو سینا کی اتحاد سے حکومت سازی ہونے والی تھی، لیکن سیو سینا کی 50-50 شرط کو بی جے پی نے منظور نہیں کیا اس لیے یہاں حکومت نہیں بن سکی۔
اس کے بعد شیو سینا، این سی پی اور کانگریس نے حکومت سازی کرنے کا منصوبہ بنایا اور شیو سینا رہنما کو مہاراشٹر کا وزیر اعلی بنانے پر راضی ہوئے۔ لیکن اسی درمیان مہاراشٹر کے گورنر بھگت سنکھ کوشیاری نے فڈنویس کو وزیر اعلی کا حلف دلا دیا۔
شیو سینا، این سی پی اور کانگریس نے اسی کی مخالفت کی اور ان لوگوں نے سپریم کورٹ میں غیر قانونی طور سے وزیراعلی منتخب کیے جانے کے خلاف عرضی داخل کی۔ سپریم کوٹ نے مرکزی حکومت سے اس پر رپورٹ طرب کی ہے۔
