اترپردیش کے ضلع سہارنپور میں بچہ چوری کے شک میں ایک خاتون کی ماب لنچنگ کا معاملہ سامنے آیا ہے۔
سہارنپور کے تھانہ منڈی علاقہ میں واقع کمیلہ کالونی میں ایک خاتون کو محلہ کے لوگوں نے بچہ چور کے شک میں پیٹ دیا۔
اس دوران خاتون کے مطابق وہ بار بار اپنی بے گناہی کے بارے میں بتاتے رہی، لیکن کسی ایک نہ سنی اور بھیڑ خاتون کو پیٹتی رہی اور ہجوم خاتون پر بچی چوری کا الزام لگاتے رہے۔
واقعے کی اطلاع ملتے ہی پولیس نے کارروائی کے احکامات جاری کیے اور پولیس نے خاتون کو بھیڑ کی چنگل سے بچایا۔
اس معاملے میں پولیس نے کارروائی کرکے 70 لوگوں کے خلاف مقدمہ درج کرکے چھ افراد کو گرفتار کر لیا۔
سہارنپور کے ایس ایس پی دنیش کمار پی نے کہا کہ تھانہ منڈی علاقہ میں ایک خاتون کو بچہ چوری کے الزام میں کچھ محلہ کے لوگوں نے جم کر پیٹا، جس کے بعد وہاں پہنچی پولیس نے بمشکل بھیڑ سے خاتون کو بچایا۔
ایس ایس پی دنیش کمار پی نے کہا کہ 70 لوگوں کے خلاف مقدمہ درج کرکے چھ لوگوں کو گرفتار کر لیا گیا ہے۔
انہوں نے کہاکہ افواہ پھیلانے والے لوگوں کے خلاف سخت سے سخت کارروائی کی جائے گی، غلط افواہیں پھیلانے والوں کو بالکل برداشت نہیں کیا جائیگا۔
ریاست اترپردیش کے ڈی جی پی نے دو قبل ہی ہدایات جاری کرکے کہا تھا کہ افواہوں پر دھیان نہ دیا جائے اور نہ ہی کسی بے قصور کو محض شک کی بنیاد پر پیٹا جائے۔
لیکن اس کے باوجود ریاست کے کئی علاقوں میں بچہ چوری کے شک میں پیٹائی کے معاملے میں سامنے آ چکے ہیں۔
