پارلیمنٹ کے دونوں ایوانوں سے شہریت ترمیمی بل کی منظوری کے بعد پورے ملک میں اقلیتی فرقہ میں زبردست تشویش کا ماحول ہے اور ملک بھر میں احتجاج بھی ہورہے ہیں۔
شہریت ترمیمی بِل کے خلاف 'ایوارڈ واپسی' کا سلسلہ شروع
معروف اردو صحافی مصنفہ شیریں دلوی نے حکومت کے فیصلے کے خلاف 'مہاراشٹر راجیہ اردو ساہتیہ اکاڈمی ایوارڈ' واپس کرنے کا فیصلہ کیا ہے۔
انکے مطابق 'شہریت ترمیمی بل آئین اور گنگا جمنی تہذیب پر حملہ ہے'۔انہوں نے کہا حکومت نے اس بل کے ذریعہ دوسرے مذاہب کو ماننے والوں کو شہریت دینے کا فیصلہ کیا ہے مگر اس زمرے میں مسلمانوں کو نہیں رکھا گیا ہے جو پوری طرح غیر آئینی ہے۔انہوں نے کہا ملک کے آئین اور سیکولرازم پر حملہ ناقابل قبول ہے اور ہم اس کی ہر سطح پر مخالفت کریں گے۔
