ٹرمپ کو غصہ کیوں آیا؟

نیوزی لینڈ مساجد پر دہشت گردانہ حملے سے متعلق امریکی صدر ڈونلڈ ٹرمپ کے بیان پر میڈیا نے تنقید کی تھی جس کی وجہ سے ٹرمپ برہم ہوگئے۔

سوشل میڈیا پرجاری بیان میں امریکی صدر کا کہنا تھا کہ جعلی خبروں والا میڈیا نیوزی لینڈ حملوں پر اُنھیں ذمہ دار ٹھہرانے کے لیے اوور ٹائم کر رہا ہے۔ اِن لوگوں کو اُنھیں قصور وار ثابت کرنے کے لیے بہت محنت کرنی پڑے گی۔

نیوزی لینڈ مساجد حملے کی کھل کر مذمت نہ کرنے پر ممتاز امریکی صحافی اور ٹی وی شو کے میزبان اینڈرسن کوپر نے ڈونلڈ ٹرمپ کو کڑی تنقید کا نشانہ بنایا تھا۔

واضح رہے کہ صدر ٹرمپ نے نیوزی لینڈ حملے کو دہشت گردی نہیں کہا تھا اور نہ ہی مسلمانوں سے اظہار یکجہتی کیا تھا۔