مغربی بنگال کے جنوبی کولکاتا کے ریجنٹ پارک تھانے کے تحت گھوش لائن ناکہ چیکنگ کے دوران اسلحہ سمیت دو مجرموں کو گرفتار کیا گیا۔
پولیس نے ناکہ چیکنگ کے دوران خفیہ اطلاع موصول ہونے کے بعد خصوصی چھاپہ ماری مہم چلائی۔ پولیس نے ناکہ چیکنگ کے دوران موٹرسائیکل پر سوار دو نوجوانوں کو پکڑ لیا اور تلاشی لی۔
تلاشی کے دوران پولیس کو دونوں نوحوانوں کے پاس سے پستول برآمد ہوئے جس کے بعد دونوں نوجوانوں کی گرفتاری عمل میں آئی۔ پولیس کا کہنا ہے کہ دونوں ملزمین غیر قانونی اسلحہ کے تاجر ہیں اور کافی دنوں سے پولیس ان کی تلاش میں تھی۔
پولیس کا کہنا ہے کہ گرفتار افراد کی شناخت جینتا ہلدار اور سبرتو منڈل کے طور پر ہوئی ہے. دونوں جنوبی 24 پرگنہ کے وشنوپور علاقے کے رہنے والے ہیں۔
پولیس نے کہا کہ دونوں اسلحہ کے تاجر وشنوپور سے کولکاتا اسلحہ فروخت کرنے کے لئے آئے تھے۔ پوچھ گچھ کے دوران انکشاف ہوا کہ دونوں ملزمین پہلے بھی ہتھیار فروخت کرنے کے الزام میں گرفتار کئے جا چکے ہیں۔
