بائیں محاذ کے جنرل سکریٹری اور سی پی آئی ایم کے رہنما سوریہ کانت مشرا نے پارٹی کے ضلع رہنماوں سے اسمبلی انتخابات کے لئے مضبوط امید واروں کے نام پیش کرنے کا مشورہ دیا ہے۔
مغربی بنگال میں اگلے برس اسمبلی انتخابات کے لیے حکمراں جماعت ترنمول کانگریس سمیت تمام اپوزیشن پارٹیوں نے تیاریاں شروع کردی ہے۔
کانگریس سے اتحاد کے بعد سی پی آئی (ایم) نے اگلے اسمبلی انتخابات کے لئے کمر کس لی ہے۔
انہوں نے کہا 'حقیقت یہ ہے کہ مغربی بنگال میں اگلے برس ہونے والے اسمبلی انتخابات کی تیاری کے لئے اب زیادہ وقت نہیں ہے'۔
سوریہ کانت مشرا کا کہنا ہے کہ 'عوام میں مقبول اور تعلیم یافتہ امید واروں کو انتخابی میدان میں اتارا جائے۔ تاکہ ترنمول کانگریس اور بی جے پی کو سخت چیلنج دے سکیں۔
لفٹ فرنٹ کے چئیرمین سوریہ کانت مشرا کے مطابق امیدواروں کی فہرست ملنے کے بعد ہی سی پی آئی ایم کے مضبوط گڑھ میں امیدواوں کو اتاریں گے'۔
انہوں نے کہا کہ 'بائیں محاذ اور کانگریس کے درمیان اتحاد کو کامیابی ملے گی۔ بنگال کے لوگوں کو کانگریس ۔ سی پی ایم اتحاد تسلیم ہے'۔
سی پی آئی ایم رہنما کا کہنا ہے کہ 'سیٹوں کی تقسیم وقت پر ہوگی تاکہ انتخابات سے قبل کسی بھی طرح کا کوئی مسئلہ کھڑا نہ ہو'۔
- مزید پڑھیں: بی جے پی کے قومی صدر آج بنگال پہنچیں گے
اسمبلی انتخابات 2021 کے لیے کانگریس اور بائیں محاذ سی پی آئی (ایم) کے درمیان اتحاد ہوا ہے۔ کانگریس پردیش کے صدر ادھیر رنجن چودھری پہلے ہی جلد سے جلد سیٹوں کی تقسیم کی بات کرچکے ہیں۔
