شرومنی گرودوارہ کمیٹی کے ترجمان ہربھجن سنگھ نے بتایا کہ ایس جی پی سی کے بھائی گووند سنگھ لونگوال کی سربراہی میں جانے والے اس گروپ کا شری ننکانہ صاحب ڈپٹی کمشنر راجہ منصور احمد کی سربراہی میں پاکستان گرودوارہ پربندھک کمیٹی کے عہدیداروں نے پرتپاک استقبال کیا۔
اس سے قبل اٹاری سرحد پر پاکستان میں واہگہ سرحد پہنچے جہاں بھائی لونگوال، جتھیدار گیان ہرپریت سنگھ، گیانی جگتار سنگھ ہیڈ گرنتھی، منجندر سنگھ سرسا، بابا بلبیر سنگھ نیہنگ پرمکھ، دربارا سنگھ گرو، سمیت دیگر لوگوں کا پاکستان گرودوارہ کمیٹی کے سربراہ ستونت سنگھ، جنرل سکریٹری امیر سنگھ اور کمیٹی کے دیگر ممبران نے خیرمقدم کیا۔
بھائی لونگوال نے اس موقع پر کہا کہ یہ ایک تاریخی موقع ہے، جب مختلف سکھ اداروں، کونسلوں اورسوسائٹی کے نمائندے مشترکہ طور پر شری ننکانہ صاحب سے سجائے جانے والے نگر کیرتن میں شرکت کے لئے پہنچے ہیں۔
انہوں نے کہا کہ شرومنی کمیٹی کی طرف سے سجایا جانے والا نگر کیرتن اٹاری سرحد کے ذریعہ یکم اگست کے دو پہر کو بھارت میں داخل ہونے کے بعد پانچ تختوں کی یاترا کرتے ہوئے گردوارہ بیر صاحب سلطان پور لودھی میں ختم ہوگا۔
