'بھارت کی خودمختاری اور علاقائی سالمیت کو یقینی بنانے کے لئے پرعزم ہیں'

چینی لبریشن آرمی کی قید سے چار افسروں سمیت 10 بھارتی فوج کے اہلکاروں کی رہائی کے بعد ، بھارتی فوج نے دعوی کیا ہے کہ وادی گلوان میں تصادم کے بعد کوئی بھی بھارتی فوجی غائب نہیں ہوا تھا۔ بی جے پی کے قومی ترجمان، سدیش ورما نے ای ٹی وی بھارت کے نیوزایڈیٹر نشانت شرما کے ساتھ ایک خصوصی انٹرویو میں کہا کہ بھارت اور چین کے تعلقات و دیگر امور پر تبادلہ خیال جاری ہے۔

ورما نے اس مسئلے پر روشنی ڈالتے ہوئے کہا کہ بھارتی اور چینی فوجیوں کے درمیان اب کوئی جھڑپ کا امکان نہیں ہے اور اس کے ساتھ ہی وادی گلوان کے آس پاس کے علاقوں میں معمول کی بحالی کے لئے میجر جنرل سطح کی بات چیت جاری ہے اور مناسب وقت پر سفارتی طور پر چین کے خلاف کارروائی کریں گے۔

انہوں نے مزید کہا کہ ملک میں مضبوط حکومت ہے اور بروقت فیصلے لینے والے رہنما موجود ہیں۔ بھارت مناسب وقت پر چین کو بھرپور جواب دے گا۔ آئندہ اس طرح کے واقعات نہ ہوں اس پر بھی بھارتی حکومت کام کر رہی ہے۔