ریاست اترپردیش کے ضلع علی گڑھ میں پولیس نے نصف شب تقریبا دو بجے وینے واشنے کو گرفتار کیا ہے۔
اطلاع کے مطابق وینے واشنے پر 23 فروری کو علی گڑھ اوپر کورٹ علاقے میں ہوئے تشدد میں فائرنگ کرنے کا الزام تھا جس کے بعد وینے واشنے کے خلاف ایف آئی آر بھی درج کی گئی تھی۔
واضح رہے کہ 23 فروری کی شام اوپر کوٹ علاقے کی جامع مسجد کے قریب پرامن طریقے سے شہریت ترمیمی قانون کے خلاف احتجاج جاری تھا تبھی اچانک حالات بگڑ گئے جس کے بعد بھگدڑ مچی اور پتھراؤ بھی کیا گیا۔
پولیس نے حالات پر قابو پانے کے لیے لاٹھی چارج، آنسو گیس اور ربڑ گولی کا استعمال کیا جس میں بیس سے زیادہ لوگ زخمی ہوئے تھے۔
وینے واشنے کی فائرنگ میں محمد طارق نامی شخص کے سینے میں گولی بھی لگی تھی جس کا ویڈیو بھی سوشل میڈیا پر تیزی سے وائرل ہوا تھا۔
محمد طارق کے بھائی اور دیگر دو لوگوں کی جانب سے وینے واشنے کے خلاف ایف آئی آر بھی درج کیا گیا تھا۔علیگڑھ کے مختلف علاقوں میں وینے واشنے کی گرفتاری کیلئے خواتین و حضرات نے علیگڑھ انتظامیہ پردباؤ بنایا اور احتجاجی دھرنا بھی دیا تھا۔
مزید پڑھیں:آسٹریلیا کے کینبرہ میں کورونا کا پہلا معاملہ درج
زخمی محمد طارق کا علاج اے ایم یو کے جواہر لعل نہرو میڈیکل کالج میں چل رہا ہے علاج کے لیے انہیں وینٹیلیٹر پر رکھا گیاحالت کافی نازک بتائی جا رہی ہے ان کے جسم کا نچلا حصہ پیرالائز ہوگیا ہے۔
