گجرات کے وزیر اعلی وجے روپانی نے جمعہ کے روز کہا کہ اس سلسلے میں مجموعی طور پر 12.5 کروڑ روپئے خرچ ہوئے ہیں۔
روپانی نے اسمبلی میں کہا کہ ریاستی حکومت نے ٹرمپ کے سفر کی تیاریوں کے لئے 8 کروڑ روپئے کی منظوری دی تھی، جبکہ احمد آباد میونسپل کارپوریشن (اے ایم سی) نے ساڑھے چار کروڑ روپے مختص کیے تھے۔
گجرات میں اپوزیشن جماعت کانگریس نے جمعرات کو اسمبلی میں دعوی کیا تھا کہ حکومت نے ٹرمپ کے دورے کے دوران 100 کروڑ روپئے خرچ کیے ہیں۔
کانگریس رہنما مودھواڈیا نے اس سلسے میں ایک ٹویٹ کیا، انہوں نے اپنے تویٹ میں لکھا 'امریکی صدر ڈونلڈ ٹرمپ کے 24 فروری کو احمد آباد کت تین گھنٹے کے دورے پر 100 کروڑ روپے خرچ کر دیے۔
اس کی تردید کرتے ہوئے روپانی نے کہا 'مجھے سمجھ نہیں آتا کہ لوگ یہ 100 کروڑ روپے کا اعداد و شمار کہاں سے لائے ہیں، میں یہ واضح کرنا چاہتا ہوں کہ میری حکومت نے صرف 8 کروڑ روپے کی منظوری دی ہے اور اے ایم سی نے ساڑھے چار کروڑ روپے مختص کیے ہیں'۔
