نائب صدر جمہوریہ کی جانب سے تلگو زبان میں کئے گئے سلسلہ وار ٹوئیٹس میں اس پیکیج کا استقبال کیا ہے، واضح رہے کہ نائب صدر جمہوریہ کا تعلق تلگو ریاست آندھرا پردیش سے ہے۔
انہوں نے اپنے ٹویٹز میں کہا کہ 'بروقت معاشی پیکیج سے غیر معمولی کوویڈ 19وبا سے پیدا ہوئے چیلنج سے نمٹنے میں آسانی ہوگی، اس کے علاوہ بتدریج اصلاحات کی ضرورت ہے۔
انہوں نے مزید کہا کہ 'پانچ شعبہ جات معیشت، انفراسٹرکچ، ٹکنالوجی پر مبنی سسٹم، نوجوان اور طلب، صنعت پر مبنی ترقی کے ساتھ بین الاقوامی سطح پر مسابقت کے لئے ہندوستان کی حوصلہ افزائی کی جائے گی۔
واضح رہے کہ گزشتہ روز وزیر اعظم نریندر مودی نے قوم کے نام خطاب کے دوران کورونا بحران سے نمٹنے کے لیے بیس لاکھ کروڑ کے معاشی پیکج کا اعلان کیا تھا۔
