حیدرآباد: فلم 'قلی نمبر 1' کا نیا گانا 'ممی قسم' جاری کردیا گیا۔ یہ گانا یوٹیوب پر خوب دیکھا جارہا ہے۔ اداکار ورون دھون نے اس گانے کی شوٹنگ کی ایک مختصر ویڈیو سوشل میڈیا پر شیئر کی ہے۔ ویڈیو دیکھ کر اندازہ لگایا جاسکتا ہے کہ اس گانا کی شوٹنگ میں ورون کو بہت ستائش ملی تھی۔
واضح رہے کہ وہ کوویڈ 19 سے صحت یاب ہو رہے ہیں لیکن 'قلی نمبر 1' کی ریلیز کے بارے میں ان کا جوش ویسے ہی ہے۔
اداکار نے گانے کی ایک مختصر BTS ویڈیو انسٹاگرام پر شیئر کی ہے۔ انہوں نے بتایا کہ 'اروشی اروشی' کے گانے پر پربھودیو کا رقص دیکھنے کے بعد وہ ہمیشہ اس طرح کا رقص کرنا چاہتے ہیں۔ ورون نے پروڈیوسر جیکی بھگنانی ، کاسٹ اور عملے کو اس گانے کو بہت عمدہ بنانے پر ان کا شکریہ ادا کیا۔
فلم میں پریش راول، راج پال یادو ، جاوید جعفری اور جانی لیور بھی شامل ہیں۔
ہندوستان اور 200 ممالک میں پرائم ممبر 25 دسمبر سے ایمیزون پرائم ویڈیو پر قلی نمبر 1 کے ورلڈ پریمیئر کو دیکھ سکتے ہیں۔
قلی نمبر 1' گووندا اور کرشمہ کپور کی فلم کا ریمیک ہے ، جو 1995 میں اسی نام سے منظرعام پر آیا تھا۔
