جمعرات کی صبح اتراکھنڈ کے ہریدوار میں ایک سادھو کی بوسیدہ لاش برآمد کی گئی۔
سادھو کی شناخت ابھی تک نہیں ہو پائی ہے البتہ پولیس تحقیقات میں جٹی ہوئی ہے۔
مقامی باشندوں کے مطابق سادھو کو سنگسار کرکے موت کے گھاٹ اتار دیا گیا تاہم کسی کو قتل کی وجوہات معلوم نہیں ہے۔
لاش کے متعلق اطلاع ملنے کے فورا بعد پولیس جاے وقوع پر پہنچ گئی۔ پولیس نے لاش کو پوسٹ مارٹم کے لیے نزدیکی اسپتال روانہ کر دیا اور اس سلسلے میں مزید تفتیش کی جا رہی ہے۔
دریں اثنا سادھو کی لاش برآمد ہونے کے بعد علاقے میں تنائو کا ماحول بنا ہوا ہے۔
