اروشی نے پیشگی ضمانت کی عرضی دائر کی

ممبئی کے آزاد میدان میں یکم فروری کو 'ممبئی پرائیڈ سالیڈیریٹی گیدرنگ' کے تحت منعقد پروگرام کے درمیان اروشی چوڑا والا اور دیگر نے شرجیل امام کی حمایت میں نعرے لگائے تھے جس کے بعد اروشی اور 50 دیگر کے خلاف مقدمہ درج کیا گیا ہے۔

اب اروشی چوڑا والا نے ممبئی سیشن کورٹ میں پیشگی ضمانت کی عرضی داخل کی ہے۔ اروشی پر ملک مخالف سرگرمیوں اور ملک سے غداری کا مقدمہ درج کیا گیا ہے۔

وہیں شرجیل امام پر اشتعال انگیز تقریر کرنے کا الزام ہے اور اسے بہار کے جہان آباد سے گرفتار کیا گیا جس کے بعد اس کے خلاف ملک سے غداری کا مقدمہ درج کیا گیا ہے۔