ریاست مہاراشٹر کے ضلع اورنگ آباد شہر کے ہونہار سپوت سُمِت سندھیا مہاجن نے یوپی ایس سی امتحان میں دو سو چودھواں رینک حاصل کیا۔ قابل ذکر ہیکہ سُمِت پچھلے پانچ برسوں سے یو پی ایس سی کا امتحان دے رہے تھے چھٹی کوشش میں انہیں یہ کامیابی حاصل ہوئی۔
سُمِت کی کامیابی پر مہاجن خاندان میں خوشی کی لہر ہے، یو پی ایس سی امتحان میں دو سو چودھواں رینک حاصل کرنے والے سُمِت کا تعلق اورنگ آباد شہر کے ایک متوسط گھرانے سے ہے سُمِت کے والد ضلع پریشد میں ملازم ہیں سُمِت نے یو پی ایس سی کرنے سے پہلے پونا سے انجینئرنگ کی ڈگری حاصل کی لیکن سیول سروس کی جانب رجحان ہونے کی وجہ سے وہ سنہ دو 2014 سے مسابقتی امتحانات میں شرکت کررہے تھے، لیکن کامیاب نہیں ہوپارہے تھے تاہم سُمِت نے ہمت نہ ہاری اور مستقل محنت کرتا رہا۔
مزید پڑھیں:
مہاراشٹر: کورونا وائرس کے مشتبہ مریض کی موت
سُمِت کے والد کا کہناہےکہ' ہم نے غریبی کو بہت قریب سے دیکھا ہے ان کے والد پیشے سے درزی تھے لیکن انھوں نے اولاد کو تعلیم سے آراستہ کیا آج ان کے پوتے نے مسابقتی امتحان میں کامیابی حاصل کی۔ انہوں نے مزید کہاکہ' بار بار ناکامی سے انھیں مایوسی ہوتی تھی لیکن پانچ سال تک ناکامی کے باوجود سُمت نے ہار نہیں مانی آکر کار کامیابی سے ہمکنار ہوا۔
