'عالمی سطح پر ہمارے پاس پیلے جیسے کھلاڑی ہیں'

مرکزی وزیر کھیل کرن رجیجو نے کہا کہ' بھارت میں بھی عالمی سطح پر پیلے جیسے کھلاڑی موجود ہیں اور ملک میں خاتون باکسر ایم سی میری کوم اس کی مثال ہیں جنہوں نے آٹھ ورلڈ چمپئن شپ تمغے جیتے ہیں۔

وزیر کھیل رجیجو نیشنل اسپورٹس یونیورسٹی منی پور اور اسپورٹس اتھارٹی آف انڈیا کے لکشمی بائی نیشنل فزیکل ایجوکیشن کالج (ایل این سی پی ای)، تریویندرم کے مشترکہ زیر اہتمام فزیکل ایجوکیشن اینڈ اسپورٹس دی پاور ٹو یونیفائیڈ کمیونٹی کے موضوع پر منعقدہ دو روزہ بین الاقوامی ویبنار کے افتتاحی سیشن میں مہمان خصوصی تھے۔

'عالمی سطح پر ہمارے پاس پیلے جیسے کھلاڑی ہیں'

نیشنل اسپورٹس یونیورسٹی کے وائس چانسلر آر سی مشرا (ریٹائرڈ آئی اے ایس) اور انٹرنیشنل فیڈریشن آف فزیکل ایجوکیشن (ایف آئی ای پی) ، سلوواکیہ کے نائب صدر پروفیسر برانیسلاو انتالا نے بھی ویبنار میں شرکت کی۔

'عالمی سطح پر ہمارے پاس پیلے جیسے کھلاڑی ہیں'

تقریبا ایک گھنٹے تک جاری رہنے والے اس ویبنار میں مقررین نے معاشرے میں 'اولمپک' کی اہمیت کے بارے میں بات کی۔ انہوں نے یہ بھی بتایا کہ یہ کھیل نہ صرف ملک بلکہ عالمی سطح پر کمیونٹیز کو متحد کرنے میں مدد کرتے ہیں۔