ڈاکٹر ہرش وردھن نے پیر کو آئی سی ایم آر کے صدر دفتر میں آئی سی ایم آر کی تاریخی ٹائم لائن کا افتتاح کیا جس میں ہندوستان کے اہم ریسرچ کونسل کے سفر کو دکھایا گیا ہے۔
اس ریسرچ کونسل کی ابتداء 1911 میں ہوئی تھی جب اسے انڈین ریسرچ فنڈ فاؤنڈیشن کے نام سے جانا جاتا تھا۔ اس ٹائم لائن میں آئی سی ایم آر کی پالیسی اور پروگرام اور بیماریوں پر قابو پانے، زچگی اور بچوں کی صحت، ایچ آئی وی، کینسر اور تغذیہ کے شعبوں میں کئے گئے اہم کام کی تفصیلات ہیں۔
اس موقع پر آئی سی ایم آر کے ڈائریکٹر جنرل ڈاکٹر بلرام بھگوا، آئی سی ایم آر، این این کے ڈائریکٹر ڈاکٹر آر ہیم لتا اور دیگر اعلیٰ عہدیدار اور سائنس دان موجود تھے۔
مرکزی وزیر نے آئی سی ایم آر کی ہسٹری ٹائم لائن کے اجراء کرنے پر اپنی خوشی کا اظہار کرتے ہوئے کہاکہ ’’آئی سی ایم آر نے بائیومیڈیکل ریسرچ میں سائنسی اپ گریڈ کی بڑھتی ہوئی طلب اور ملک کی صحت سے متعلق پریشانیوں کے عملی حل تلاش کرنے کی ضرورت کو دور کرنے کے لئے ہمیشہ کوششیں کی ہیں۔‘‘
