ورچوئل پروگرام میں بھارت اور دیگر ممالک کے مشہور ادیبوں اور ہندی سے محبت کرنے والوں کو ماہر تعلیم کی موجودگی میں اترا کھنڈ کے گورنر بیبی رانی موریہ نے راج بھون میں مرکزی وزیر تعلیم ڈاکٹر رمیش پوکھریال نشنک کو اس اعزاز سے نوازا۔
اس پُر وقار اعزاز کے حصول کے بعد وزیر تعلیم نے ہندی رائٹرز گلڈ کینیڈا اور کینیڈا میں مقیم بھارتی برادری اور وہاں کام کرنے والے بھارت کے لسانی اداروں کا شکریہ ادا کرتے ہوئے کہا کہ' یہ اعزاز ان تمام بھارتیوں کے لئے وقف ہے، جو بیرون ملک رہ کر بھی زبان اور ثقافت کے لئے کام کر رہے ہیں اور پوری لگن کے ساتھ بیرون ملک میں رہ کر بھارت کی زبان اور ثقافت کا پرچم لہرا رہے ہیں۔
انہوں نے کہا کہ' یہ ایوارڈ بھارت کے ان کروڑوں لوگ جیسے کہ مزدور، کسان، اساتذہ اور محنت کشوں کو وقف ہے، جو تمام مشکلات اور چیلنجوں کا مقابلہ کرتے ہوئے بھی ایک نئے بھارت کی تعمیر میں مصروف ہیں'۔
مزید پڑھیں: غربا و مساکین کے درمیان رضائی تقسیم
ڈاکٹر نشنک نے کینیڈا اور بھارت کے مابین زبان اور ثقافت کے سلسلے میں گفتگو پر خوشی کا اظہار کرتے ہوئے کہا کہ' آج ایک اہم گفتگو ہورہی ہے اور یہ بھی اہم ہے کہ یہ عالمی گفتگو ہندی میں ہورہی ہے۔ انہوں نے کہا کہ' یہ بھی ہندی کی عالمی زبان بننے کی علامت ہے'۔
۔۔یواین آئی۔۔
