یو جی سی طلبا کو بغیر امتحان کے پاس کریں: راہل

کانگریس کے سابق صدر راہل گاندھی نے کووڈ 19 کی وبا کے دوران امتحانات کے انعقاد کو غیر منصفانہ قرار دیتے ہوئے اسے ملتوی کر کے طلبا کو ان کے ریکارڈ کی بنیاد پر پاس کرنے کا مشورہ دیا ہے۔

راہل گاندھی نے جمعہ کے روز ٹویٹ کر کے کہا کہ 'کووڈ 19 وبا کے دوران امتحانات کا انعقاد ناانصافی ہے۔ یونیورسٹی گرانٹ کمیشن (یو جی سی) کو طلبا اور اکیڈمیوں کی بات ضرور سننا چاہئے۔'

ٹویٹ

انہوں نے کہا کہ 'کووڈ نے سب کو نقصان پہنچایا ہے، ہمارے طلبا جو کالج، یونیورسٹی میں ہیں۔ ان کو بھی مشکلات کا سامنا کرنا پڑ رہا ہے۔ یو جی سی الجھن کی صورت حال پیدا کرنے کے بجائے واضح فیصلہ کر کے طلبا کو سابقہ کارکردگی کی بنیاد پر بغیر امتحان کے پاس کرے۔'