سینئر سپرنٹندنٹ آف پولیس سنتوش کمار سنگھ نے یہاں بتایا کہ صبح ایک پک اپ گاڑی میں کچھ مہاجر مزدور سورت(گجرات) سے بجنور جارہے تھے۔ اس درمیان احمد گڑھ علاقے میں شکار پور۔ احمد گڑھ روڈ پر کھکھوڑا گاؤں کے نزدیک پک اپ گاڑی بے قابوہوکر ایک بجلی کے کھمبے سے ٹکرا کر پلٹ گئی۔
انہوں نے بتایا کہ اس حادثے میں دو مزدوروں کی موقع پر ہی موت ہوگئی جبکہ دیگر 12مزدور زخمی ہوگئے۔ پولیس نے موقع پر پہنچ کر زخمیوں کو علاج کے لئے اسپتال میں داخل کرایا۔لاشیں پوسٹ مارٹم کے لئے بھیج دی گئی ہیں۔
حادثے کی اطلاع ملتے ہی ڈسٹرکٹ مجسٹریٹ روندر کمار اور سینئر سپرنٹنڈنٹ آف پولیس سنتوش کمار سنگھ نے موقع واردات پر پہنچ کر حالات کا جائزہ لیا۔بعد اذاں اسپتال پہنچ کر زخمی مزدوروں کا حال چال معلوم کیا۔
