اسٹیٹ ڈیزاسٹر رسپونس فورس (ایس ڈی آر ایف) کے ترجمان پروین آلوک نے بتایا کہ آج دہرادون ضلع کے تھانہ گڑھی کینٹ کے تحت موضع کِماڈی کے چار کلومیٹر آگے دوسری جانب جاتی ہوئی ایک کار گہری کھائیں میں گر گئی۔ اطلاع ملنے پر ایک ٹیم نے سب انسیکٹرجگدمبا پرساد وِجلوان کی قیادت میں جائے وقوعہ پہنچ کر کام شروع کر دیا۔
کار میں تین افراد ایک ہی گھر کے تھے جو نوئیڈا سے مسوری آئے ہوئے تھے۔ حادثے میں نیرج تیاگی (55) سیکٹر 40 نوئیڈا، یو پی کے باشندے اور بیوی شگُن تیاگی (52) کی موقع پر ہی موت ہو گئی جبکہ ان کی بیٹی آروشی تیاگی (27) اور کارڈرائیور اشوک (35) کو سنگین طور پر زخمی حالت میں اسپتال بھیجا گیا۔ پولیس نے معاملہ درج کر لیا ہے۔
