سرکاری ذرائع کے مطابق ڈونلڈ ٹرمپ کے بھارت دورہ پر ان کے ساتھ ایک وفد بھی ہوگا جن میں امریکی عہدیداروں سمیت ڈونلڈ ٹرمپ کے اہل خانہ بھی ہوں گے۔
احمد آباد میں ایک تقریب میں شرکت کے بعد ٹرمپ تاج محل کے دیدار کیلئے آگرہ روانہ ہوں گے اور اس دورے کے آخری مرحلے میں قومی دارالحکومت پہنچیں گے۔
سرکاری ذرائع سے جب نریندر مودی اور ٹرمپ کے آگرہ جانے کی خبر کے بارے میں پوچھا گیا تو سرکاری ذرائع نے بتایا کہ ایسا کوئی منصوبہ نہیں ہے۔
انہوں نے کہا کہ امریکی صدر اور ان کے اہل خانہ کے تاج محل کے مشاہدہ کے لیے جانا ان کی اپنی سہولت کے مطابق ہوگا۔
مزید پڑھیں:امام الہند مولانا عبدالکلام آزاد کی 62 ویں برسی
واضح رہے کہ نریندر مودی 24 فروری کو احمد آباد میں رہیں گے جہاں وہ امریکی صدر اور ان کے اہل خانہ کا شاندار استقبال کریں گے۔
