پولیس اہلکار نے بیوی، بیٹی اور بیٹے کا قتل کیا

ریاست جھارکھنڈ کی داراحکومت رانچی میں ایک دل دہلا دینے والا واقعہ پیش آیاہے۔ صدر تھانہ علاقہ میں واقع بڑگائی میں ایک پولیس اہلکار نے اپنے بیٹے، بیٹی اور اہلیہ کا قتل کرکے سنسنی پھیلا دیا ہے۔

جھارکھنڈ پولیس کے اسپیشل برانچ میں فائز برجیش تیواری نے دیر رات اپنے بیٹے، بیٹی اور اہلیہ کا قتل کر دیا۔

تینوں کا قتل کرنے کے بعد اس نےخود کشی کرنے کی کوشش کی، حالانکہ ابھی وہ اسپتال میں زندگی اور موت کی کشمکش میں مبتلا ہے۔

شروعاتی جانچ میں فی الحال قتل کی وجہ کے بارے میں معلوم نہیں ہو سکا ہے۔ پولیس کی ٹیم موقع پر پہنچ کر جانچ کر رہی ہے۔