متحدہ آندھراپردیش کے سابق وزیراعلی وائی ایس راج شیکھرریڈی کی یوم پیدائش کے موقع پر ان کو بھرپورخراج عقیدت پیش کیاگیا۔
راج شیکھر ریڈی کے فرزند و موجودہ اے پی کے وزیراعلی وائی ایس جگن موہن ریڈی کے ساتھ ساتھ ان کے ارکان خاندان نے ضلع کڑپہ کے ایڈوپُلاپایہ میں واقع راج شیکھرریڈی کی سمادھی پر پھول نچھاور کئے اوران کی خدمات کو یاد کیا۔
اس تقریب میں راج شیکھرریڈی کی اہلیہ وجئے اماں،ان کی دختر شرمیلا اور دوسروں نے شرکت کی۔جگن موہن ریڈی نے ان کے والد پر لکھی گئی ان کی والدہ کی کتاب کی رسم اجرا بھی انجام دی۔ریاست بھر میں راج شیکھرریڈی کی یوم پیدائش تقریب کسانوں کے ریاستی دن کے طورپر منائی گئی۔
