بھارتی وزیرخارجہ ایس جئے شنکر نے جمعہ کے روز بھارت کے دوسرے وزیراعظم لال بہادر شاستری کے یوم پیدائش کے موقع پر خراج تحسین پیش کیا۔
جے شنکر نے ٹویٹ کیا ہے کہ 'بھارت کے دوسرے وزیراعظم سری لال بہادر شاستری جی کو ان کی جینتی پر میری عقیدت پیش ہے۔ چیلنجوں کے باوجود ان کی ہمت، عزم اور قیادت پر ہم فخر کرتے ہیں'۔
اس سے پہلے ہی دن میں وزیراعظم نریندر مودی نے شاستری کو ان کی یوم پیدائش پر یاد کیا تھا۔
پی ایم مودی نے کہا ہے کہ 'لال بہادر شاستری جی بہت ہی پختہ شخص تھے۔ انہوں نے سادگی کا مظاہرہ کیا اور ہماری قوم کی فلاح و بہبود کے لئے زندگی گزاری'۔
'ہم ان کو ان کی جینتی پر بھارت کے لئے کئے گئے ہر کام کے لئے گہرے شکریہ کے ساتھ یاد کرتے ہیں'۔
مزید پڑھیں: گاندھی جی کے یوم پیدائش پر خصوصی رپورٹ
سنہ 1904 میں اترپردیش میں پیدا ہوئے، لال بہادر شاستری بھارت کے دوسرے وزیراعظم رہے اور 1964 سے 1966 تک خدمات انجام دیں۔
پاکستان کے ساتھ تاشقند معاہدے پر دستخط کرنے کے فورا بعد وہ 61 سال کی عمر میں 11 جنوری 1966 کو تاشقند میں انتقال کر گئے۔
