کرناٹک کے ضلع یادگیر میں کنٹینمنٹ زون کی تفصیلات بتاتے ہوئے ایڈیشنل ڈپٹی کمشنر پرکاش راجپوت نے کہا کہ 'ضلع انتظامیہ نے یادگیر میں بڑھتے کورونا کیسیز کے پیش نظر جملہ 32 کنٹینمنٹ زون قائم کیے ہیں'۔
انہوں نے عوام سے انتظامیہ کا تعاون کرنے کی اپیل کرتے ہوئے کہا کہ 'گھروں سے باہر نہ نکلیں۔ خاص طور پر کنٹینمنٹ زون کے رہائشیوں کے لیے ضلع انتظامیہ کی جو ہدایات ہیں، اس پر سختی سے عمل کیا جائے'۔
انہوں نے کہا کہ 'لوگ ماسک کا استعمال ضرور کریں اور جسمانی دوری پر سختی سے عمل کریں'۔
ایڈیشنل ڈپٹی کمشنر پرکاش راجپوت نے کہا کہ 'پچھلے ایک ماہ میں یادگیر میں کورونا معاملوں میں غیر معمولی اضافہ ہوا ہے۔ اسی کے پیش نظر حکومت کے رہنمایانہ خطوط کے مطابق گھریلو قرنطیہ ضروری قرار دیا گیا ہے'۔
انھوں نے مزید بتایا ہے کہ ضلع میں لوگوں کی صحت سے متعلق رپورٹ تیاری کے لئے پولنگ بوتھز، عہدے دار، ٹیچرز اور آ شا ورکرز نے 90 فیصد سروے کر کے تفصیلات حاصل کرلیا ہے'۔
