بی جے پی کے قومی صدر جے پی نڈا نے جمعرات کو شہید، مجاہد آزادی اشفاق اللہ خاں کی سالگرہ کے موقع پر انھیں خراج عقیدت پیش کیا۔
نڈا نے ٹویٹ کرکے کہا،’ ملک کی دفاع اور آزادی کے لیے اپنی جان کی قربانی دینے والے بھارت ماں کے بہادر سپوت شہید اشفاق اللہ خاں جی کی سالگرہ کے موقع پر انھیں خراج عقیدت‘۔
انہوں نے کہا کہ کاکوری واقعہ میں آپ کی بیش بہا حصہ داری نوجوانوں کو ہمیشہ ملک کی خدمت کی ترغیب دیتی رہے گی۔
کاکوری واقعہ میں اہم کردار ادا کرنے والے مشہور انقلابی، مجاہد آزادی شہید اشفاق اللہ خاں کو صحت اور خاندانی فلاح و بہبود کے مرکزی وزیر ڈاکٹر ہرش وردھن نے ان کی سالگرہ کے موقع پر خراج عقیدت پیش کیا۔
ڈاکٹر ہرش وردھن نے ٹویٹ کیا،’ماں بھارتی کے بہادر سپوت اشفاق اللہ خاں کی سالگرہ پر انھیں خراج عقیدت۔ کاکوری واقعہ میں اہم کردار ادا کرنے والے اشفاق جی نے ملک کو غلامی کی بیڑیوں سے آزاد کروانے کے لیے اپنا سب کچھ نچھاور کر دیا‘۔
نائب صدر جمہوریہ ایم وینکئیا نائڈو نے شہید اشفاق اللہ خان کی یوم پیدائش پر انہیں خراج عقیدت پیش کرتے ہوئے کہا ہے کہ ملک ہمیشہ ان کا قرض دار رہے گا۔
مسٹر نائیڈو نے جمعرات کو ایک پیغام میں کہا ہے کہ اشفاق اللہ خان کی نظمیں اور نغمے نوجوانوں کےلئے باعث تحریک رہے ہیں۔
نائب صدر نے کہا ،’’ امر شہید اشفاق اللہ خان کی یوم پیدائش پر انقلابی شاعر کو خراج عقیدت پیش کرتا ہوں۔ ان کی ہمت اور حب الوطنی سے پُر نظموں نے نوجوانوں کو برطانوی اقتدار کے خلاف بغاوت کےلئے تحریک دی اور ملک میں اتحاد اور بھائی چارے کا جذبہ جگایا۔ ان کی قربانی کےلئے ہمیشہ ملک قرض دار رہےگا۔‘‘
