وزیر اعظم نریندر مودی کے ایودھیا میں بھگوان رام کی مندر کا سنگ بنیاد رکھنے کے فوراً بعد کانگریس کے سابق صدر راہل گاندھی نے کہا کہ رام مریادا پرشوتم ہیں اور نفرت اور ظلم سے ان کا کبھی ظہور نہیں ہوتا'۔
راہل گاندھی نے ٹویٹ کیا کہ'بھگوان رام بہترین انسانی خوبیوں کا مظہر ہیں۔ وہ ہمارے دل کی گہرائیوں میں بسی انسانیت کا محور'۔
انہوں نے کہا کہ 'رام محبت کے علمبردار ہیں، ان کا کبھی بھی نفرت میں ظہور نہیں ہوسکتا ہے۔ کبھی بھی ظلم سے ان کا ظہور نہیں ہوسکتا'۔
انہوں نے کہا کہ' رام انصاف ہے، ناانصافی میں ان کا کبھی ظہور نہیں ہوسکتا'۔
مزید پڑھیں:
بابری مسجد کی تاریخی داستان
اس سے قبل کانگریس کے شعبہ مواصلات کے سربراہ رندیپ سنگھ سرجے والا نے کہا کہ 'رام مندر بھومی پوجن کی مبارکباد، امید ہے قربانی، فرض، شفقت، سخاوت ، اتحاد، بھائی چارہ اور ہم آہنگی کے اقدار زندگی جینے کا راستہ بنیں گے۔ 'جئے سییا رام'۔
