انہوں ان میڈیا رپورٹز پر حیرانی کا اظہار کرتے ہوئے کہا کہ لاک ڈاؤن کی مدت میں توسیع کی خبریں کہاں سے چلائی جا رہی ہیں انہیں پتہ نہیں ہے۔ انہوں نے دو ٹوک انداز میں کہا کہ ایسا کوئی منصوبہ نہیں بنایا گیا ہے کہ 21 دنوں کے لاک ڈاؤن میں توسیع کی جائے۔
واضح رہے کہ مہلک وبا کورونا کی روک تھام کے لیے 21 دنوں کے ملک گیر لاک ڈاؤن کا اعلان کیا گیا ہے جو آئندہ ماہ کے 14 اپریل تک جاری رہے گا۔
اس دوران ملک بھر میں کورونا متاثرین کی تعداد 1024 ہو گئی ہے، اور اس مہلک وبا سے ہلاکتوں کی تعداد 27 تک پہنچ گئی ہے، دنیا بھر میں 30 ہزار کے قریب وبائی مرض سے ہلاکتیں ہو چکی ہیں، جبکہ 195 ممالک کو اس وبا نے اپنی زد میں لے لیا ہے۔
دریں اثنا مرکزی حکومت نے تارکین وطن کے ذریعہ کورونا وائرس کی کمیونٹی ٹرانسمیشن کو روکنے کے لئے ملک بھر کے ریاستوں اور اضلاع کے حدود کو سیل کرنے کا حکم دیا ہے، ساتھ ہی حدود کو عبور کر چکے افرادکو چودہ دنوں کے لیے قرنطینہ میں رہنے کی ہدایت دی ہے۔
یومیہ اجرت پر کام کرنے والے مزدوروں کی کثیر تعداد متعدد ریاستوں میں نقل مکانی چکی ہے۔
