ڈاکٹر نشنک نے ویڈیو کانفرنسنگ کے ذریعے آندھرا پردیش کے چتّور واقع آئی آئی ٹی شری سٹی میں الیکٹرانکس اور انفارمیشن ٹیکنالوجی کی وزارت کی جانب سے فنڈیڈ ٹیکنالوجی بزنس انکیوبیٹر، گیان سرکل وینچرس، انوویشن اور انٹرپرینیورشپ ڈیولپمنٹ سینٹر کا افتتاح کیا اور کہا کہ ہندوستان کے لیے ٹیکنالوجی کے شعبے سبقت لے جانے اور خود کفیل بننے کے لیے کوشش کرنے کا یہ صحیح وقت ہے۔
انہوں نے کہا 'بھارت دنیا میں تیسری سب سے بڑی معیشت ہے۔ بھارت کو دو ٹریلین سے تین ٹریلین ڈالر کی معیشت بننے میں محض پانچ برس لگے۔ انوویشن وہ ذریعہ ہے جو اس ترقی کو ممکن بناتا ہے۔ ہمیں خود کفیل بننے اور سائنس اور ٹیکنالوجی کے مقابلے کے زمانے میں مقدم رہنے کی خاطر انوویشن اور انٹرپرنیورشپ کو فروغ دینا ہوگا۔ 'گیان سرکل وینچرس' جیسے مراکز میں نوجوانوں میں انٹرپرنیورشپ کا جذبہ پیدا کرنے اور انھیں کامیاب انووشین کی جانب ترغیب دینے کی صلاحیت ہے'۔
مرکزی وزیر تعلیم نے کہا کہ انٹرپرنیورشپ کے جذبے کا خیال کرتے ہوئے 2020 میں آئی آئی ٹی شری سٹی نے ٹی بی آئی، گیان سرکل وینچرس کا افتتاح کیا۔ گیان سرکل وینچرس، انفارمیشن ٹیکنالوجی کی وزارت (ایم ای آئی ٹی وائی) کی جانب سے منظور شدہ ٹیکنالوجی انکیوبیشن اینڈ ڈیولپمنٹ آف انٹرپرنیورشپ (ٹی آئی ڈی ای 2.0) کے بطور کام کرے گا۔
ڈاکٹر نشنک نے بتایا کہ یہ بزنس انکیوبیٹر کئی موضوعات میں انوویشن اور انٹرپرنیورشپ کو فروغ دیتا ہے جن میں انفراسٹرکچر کی ترقی اور اسمارٹ مینوفیکچرنگ شامل ہیں لیکن یہ ان موضوعات تک ہی محدود نہیں ہے۔ یہ انکیوبیٹر نئی ٹیکنالوجی جیسے کہ آرٹیفیشیل انٹیلیجنس (اے آئی)، بلاک۔چین، سائبر فزیکل سسٹم (سی پی ایس)، سائبر سکیورٹی، انٹرنیٹ آف تھنگس (آئی او ٹی)، روبوٹِکس وغیرہ میں شامل ہو کر ادارے کی انٹرپرنیورشپ کے جذبے کو فروغ دے گا۔
آئی آئی آئی ٹی شری سٹی کی جانب سے کیے گئے کاموں کا ذکر کرتے ہوئے مرکزی وزیر نے کہا 'آئی آئی آئی ٹی شری سٹی فیکلٹی ممبران اور طلبہ کی مکمل صلاحیتوں کا استعمال کرنے اور کمیونٹی کی ضروریات کو پورا کرنے میں تعاون دینے کے لیے انوویشن اور انٹرپرنیورشپ کی تہذیب کو فروغ دیتا ہے۔ یہ کئی طرح سے انٹرپرنیورشپ اور انوویشن کو فروغ دیتا ہے۔
آئی آئی آئی ٹی شری سٹی وزارت تعلیم کے انووشین سیل کا حصہ رہا ہے اور اس نے ادارے کی انووشین کونسل (آئی آئی سی) کی تشکیل دی ہے۔ اس کے علاوہ آئی آئی آئی ٹی شری سٹی نے ایک انٹرپرنیورشپ سیل (ای۔سیل) کا قیام کیا ہے تاکہ طلبہ کو اختراعی افکار تیار کرنے اور انھیں تجارتی امکانات میں تبدیل کرنے کا اہل بنایا جا سکے'۔
ڈاکٹر نشنک نے کہا کہ گیان سرکل وینچرز مختلف مرحلوں میں سرمایہ کاری، بنیادی ڈھانچے اور رہنمائی کے ذریعہ مدد فراہم کرنے والے انوویشن اور اسٹارٹ اپ کا ہب بنے گا۔ ٹی بی آئی میں ایک صلاح کار کمیٹی ہوگی جس میں اہم صنعت کار، انٹرپرنیور اور ٹیکنیکل ماہرین شامل ہوں گے۔ یہ انکیوبیٹی کو تعلیمی اور صنعتی دنیا کے ماہر صلاح کاروں اور نیٹ ورک سے فائدہ اٹھانے میں اہل بنائے گا۔
مرکزی وزیر نے کہا کہ ہندوستان نے گلوبل انوویشن انڈیکس 2020 میں چار سیڑھی کی چھلانگ لگائی ہے اور اب وہ ورلڈ انٹلیکچول پراپرٹی آرگنائیزیشن (ڈبلیو آئی پی او) کی سالانہ رینکنگ میں سب سے زیادہ 50 انووٹیو ممالک کی فہرست میں 48 ویں نمبر پر ہے۔ انہوں نے کہا کہ یہ چھلانگ علم کے میدان میں مسلسل بہتری، اسٹارٹ اپ ایکو سسٹم اور عوامی اور نجی تحقیقاتی تنظیموں کی جانب سے کیے گئے شاندار کاموں کے سبب ہی ممکن ہو پائی ہے۔
